Elimizde jalpyhalyqtyq referendýmnyń ótýine sanaýly kún qaldy
Elimizde jalpyhalyqtyq referendýmnyń ótýine sanaýly kún qaldy. Osyǵan oraı búgin qoǵam qaıratkerleri men kásipkerler Konstıtýsıaǵa engiziletin túzetýlerge jeke-jeke toqtaldy, dep habarlaıdy Almaty-akshamy.kz Almaty.tv-ge silteme jasap.
Basqosýǵa qatysqan óner qaıratkerleri el ómirindegi ózgeristerge qoǵam túgeldeı atsalysý kerek degen pikir aıtty.
«Meniń túsinigim boıynsha bul jerde usynylǵan usynystardyń basym kópshiligi kerek dúnıe. Referendým jalpy ár memlekette bolady. Ol 20-30-50 jylda bir-aq ret bolýy múmkin. Sebebi Jańa Qazaqstandy quramyz dep otyrmyz. Sondyqtan Prezıdentimiz osyndaı ózgeristerdi usyndy. Osyny halyqqa túsindirýimiz kerek», – dedi «Dos-Muqasan» tobynyń jetekshisi, kompozıtor Murat Qusaıynov.
«Prezıdentimizdiń ózi úlgi kórsetti. Eshqandaı týystary, komandasy, jaqyndary ózimen birge jumys istemeıdi. Bárine toqtaý saldy. Oblystyń ákimi, mınıstrler, komandasyn jan-jaqqa aparmaýy kerek. Mine kim isteı alady? Kimniń qolynan keledi? Kimniń qabileti bar? Qaı jaqtyń adamy? Oǵan baılanysty emes. Úlgi alý kerek», – dedi QR eńbek sińirgen qaıratkeri, teatr jáne kıno akteri Bolat Ábdilmanov.