Qanttyń jasyryn kózderi densaýlyqqa keri áser etedi
Tamaqtaný rasıonyn josparlaǵanda azyq-túlikti tańdaýda saq bolý kerek, sebebi olardyń quramynda qanttyń jasyryn kózderi bolýy múmkin. Bul azyqtyń zıandy áseri týraly RIA Novostıge bergen suhbatynda dıetolog Svetlana Zelensova aıtty, dep habarlaıdy Almaty-akshamy.kz tilshisi.
«Qantty kóp tutyný kalorıanyń joǵarylaýyna, demek, artyq salmaqpen baılanysty ekeni belgili. Qanttyń asa kóp mólsherde únemi aǵzaǵa túsýi kletkalardy sezbeıdi, ınsýlınge tózimdilik damıdy, bul ekinshi tıpti qant dıabetine ákeledi, Alsgeımer aýrýynyń, obyrdyń keıbir túrleriniń qaýpin arttyrady. Zertteýde qanttyń fagosıtoz prosesine keri áseri dáleldendi, ıaǵnı, bul ımýnıtetke áser etedi», - dep atap ótti Zelensova.
«Qant molekýlalary aqýyzǵa «jabysady», osylaısha sońǵysynyń qurylymy men qyzmetin buzady. Atap aıtqanda, kollagenniń qyzmeti osylaı buzylady, bul teriniń tez qartaıýyna ákeledi. Artyq qant (birinshi kezekte, frýktozalar) baýyrǵa teris áser etedi», – dep tolyqtyrdy maman.
Dıetolog qanttyń jasyryn kózderine mán berýge shaqyrdy, olarǵa nan, jartylaı daıyn ónimder, tez ázirlenetin kashalar, múslı, qurǵaq tańǵy astar, konservilengen ónimder, ıogýrttar, shyryndar men alkogól ónimderi jatady. Olardyń etıketkasynda kóbinese quramynda qant bar ekeni basqasha kórsetilýi múmkin (mysaly, ınvertti sırop, glúkoza, agava shárbaty, gıdrolızdengen krahmal, jemisti shyrynnyń konsentrattary, kokos qanty, qoıýlatylǵan qant quraǵy, t.b.)