Desanttyq bólimsheler oryndaıtyn tapsyrmalardyń biri - «áýeden – urysqa» qaǵıdatymen áreket etý olardan úzdik daıyndyqty talap etedi.
Bólimshelerdi daıarlaý barysynda Desanttyq-shabýyldaý áskerlerinde qysqy kezeńde jeke quramdy bólimsheler quramyndaǵy úılesimdi is-qımyldarǵa úıretý mashyqtary uıymdastyryldy. Qarýly kúrestiń zamanaýı quraldaryna qarsy turýǵa erekshe nazar aýdaryldy, dep habarlaıdy Almaty-akshamy.kz.
Desantshylar qorǵanys pen shabýylda taktıkalyq tásilderdi pysyqtap, atys qarýynan, jaýyngerlik mashınalardan túrli qashyqtyqtaǵy nysanalarǵa oq atady, mamandyq boıynsha daıarlaý barysynda alǵan mashyǵyn is júzinde kórsetedi. Komandırler senip tapsyrylǵan bólimshelerge basshylyq jasaýdy úırenedi.
Desanttyq bólimsheler oryndaıtyn tapsyrmalardyń biri - «áýeden – urysqa» qaǵıdatymen áreket etý olardan úzdik daıyndyqty talap etedi. Sol sebepti tájirıbeli nusqaýshylar oqý-jattyǵý núktelerinde desant túsirý men jabdyqtardy búrkemeleý, pozısıalardy ınjenerlik jabdyqtaý, baǵdardy barlaý, nysanany kórsetý jáne oq atýdy basqarý kezindegi úırenýshilerdiń is-áreketterin basqarady.
Qazirgi zamanǵy qarýly qaqtyǵystarǵa júrgizilgen taldaýǵa súıene otyryp, bólimshelerdi daıyndaý kezinde jaýyngerlik is-qımyldyń jańa túrleri men ádisteri retinde ushqyshsyz basqarylatyn qurylǵylaryna qarsy is-qımyl qoldanylýda.
– Qazirgi tájirıbe kórsetkendeı, búginde qarama-qarsy taraptar ushqyshsyz basqarylatyn apparattardy belsendi qoldanyp júr. Olarmen kúresý arnaıy bilimdi, sheberlik pen mashyqty qajet etedi. Bul máselelerdi sabaq barysynda pysyqtap jatyrmyz, – dep atap ótti Desanttyq-shabýyldaý áskerleri qolbasshysynyń jaýyngerlik daıarlyq jónindegi orynbasary polkovnık Maqsut Gýseınov.
Bólimshelerdi úılestirý jaýyngerlik atyspen qorytyndylanyp, tehnıka men qarý-jaraqty daıyndaý, jeke quramnyń taktıkalyq is-qımyly, sondaı-aq bólimsheniń atysty sheber júrgizýi baǵalanatyn bolady.