Ońtústik Koreıa eldiń 20-synshy Prezıdentin saılaıdy
Prezıdent bolýǵa 10-nan astam adam úmitti. Halyq kóp bolǵanmen, bul saılaýda, aldyńǵy saılaýymen salystyrǵanda, saılaýshylardyń belsendiligi tómen. Ýchaskeler tańǵy saǵat 6-da ashyldy. 9-00-ge kelip túsken málimetterge sáıkes, saılaýshylardyń 8 paıyzdan astamy daýys berdi dep habarlaıdy Almaty-akshamy.kz
Daýys berý qıyn epıdahýalynda ótip jatyr. Búgin indet juqtyrǵandar sany rekordtyq deńgeıge jetti. COVID 300 myńnan astam adamnan anyqtaldy. Mysaly, osy saılaý orny densaýlyq saqtaý basqarmasynda ornalasqan. Munda adamdar daýys berip, test tapsyra alady. Merziminen buryn daýys berý 4 jáne 5 naýryzda ótkenin atap ótkimiz keledi.
16 mıllıonnan astam adam nemese saılaýshylardyń 37 paıyzǵa jýyǵy óz quqyǵyn paıdalandy. Olardyń ishinde indet juqtyrǵandar da bar. Naýqastar úshin arnaıy ýchaske ashyldy.
Prezıdentikke negizgi úmitker tórt adam. Biraq eki úmitker alda keledi: olar - burynǵy Bas prokýror Iýn Sok Ól jáne Kóngı provınsıasynyń burynǵy gýbernatory Lı Chje Món.
Saýalnamalar olardyń reıtıńi shamamen 40% bolǵanyn kórsetti. Biraq úshinshi oryn alǵan bıznesmen An Chol Sý Iýn Sok Óldyń paıdasyna óz kandıdatýrasyn alyp tastaǵannan keıin burynǵy prokýrordyń jeńiske jetetinine kópshilik esh kúmándanbaıdy.
- Degenmen kez kelgen úmitker jeńiske jetse, Ońtústik Koreıa bıliginiń saıasaty kóp ózgermeıdi, - deıdi saıasattanýshylar