Buǵan qosa jumys istep turǵan eki emhana kúrdeli jóndeýden ótedi.
Halyqqa medısınalyq kómek kórsetý sapasyn jaqsartý úshin bıyl naýryz aıynda eki obektiniń qurylysyn aıaqtaý kózdelýde, dep habarlaıdy Almaty-akshamy.kz
- «Balalar shuǵyl medısınalyq kómek ortalyǵynyń» operasıalyq blogy bar qabyldaý bólimshesiniń korpýsy;
- «Kerýen Medicus» jekemenshik medısınalyq ortalyǵynda 300 adam qabyldaıtyn áıelder konsýltasıasy bar perzenthana bólimshesi.
Osy jyly medısınalyq mekemelerdiń júktemesin azaıtý úshin 5 obektiniń qurylysyn salý, rekonstrýksıalaý jáne kúrdeli jóndeý jobalanýda, onyń ishinde:
- Árqaısysy 500 kelýshini qabyldaıtyn 2 jańa emhana qurylysy. Ál-Farabı dańǵyly men Syrǵabekov kóshesiniń qıylysyndaǵy birinshi emhana boıynsha osy jyldyń qańtar aıynda jobalaý-smetalyq qujattama ázirleý bastaldy. Ony bıyl jyldyń sońyna deıin aıaqtap, memlekettik saraptamadan ótkizý kózdelgen. Qurylysty bastaý 2024 jyldyń 1 toqsanynda josparlanǵan.
«Al ekinshi jańa qurylysy - men osyǵan deıin aıtqan Gagarın dańǵyly men Levıtan kóshesiniń qıylysyndaǵy emhana. Qurylysty bastaý 2024 jyldyń 2 toqsanynda josparlanǵan», - dedi qala ákimi búgingi kezdesýde.
Sonymen birge jumys istep turǵan eki emhana, ıaǵnı №14 jáne №12 emhanalar kúrdeli jóndeýden ótedi. Búgingi tańda jobalaý-smetalyq qujattamany ázirleý úshin konkýrstar ótkizilýde. Saraptamasy tamyz aıynda kútiledi. Kúrdeli jóndeý 2024 jyldyń ekinshi toqsanynda josparlanǵan.
«500 oryndyq qalalyq ortalyq klınıkalyq arýhananyń (№12 bolnısa) jańa korpýsyn salý josparlanyp otyr. Osy jyldyń qańtar aıynda jobalaý-smetalyq qujattamany ázirleýge konkýrs jarıalandy, qurylys-montajdaý jumystary 2024 jyldyń İİ toqsanyna josparlanǵan», - dedi megapolıs basshysy turǵyndarmen kezdesýde.