Bul týraly Májilis depýtattarynyń saýalyna Bas prokýror Berik Asylovtyń jaýabynda aıtylǵan, dep habarlaıdy Almaty-akshamy.kz QazAqparatqa silteme jasap.
«Osy jyldyń qańtarynan bastap Qarjy mınıstrliginiń İshki memlekettik aýdıt komıteti «Qazaqstan temir joly» UK» AQ pen onyń enshiles uıymdarynda («Jolaýshylar tasymaly» AQ, «Qaztemirtrans» AQ, «Kedentransservıs» AQ, «QTJ-Júk tasymaly» JSHS) aýdıtorlyq tekserýler taǵaıyndaǵan. Osy is-shara barysynda memlekettik jáne kvazımemlekettik sektor aktıvterin paıdalaný (onyń ishinde memlekettik múlik týraly zańnamasyn saqtaý) máseleleri qamtylady», - dedi Bas prokýror jaýabynda.
Sonymen qatar onyń dereginshe, qazir Bas kólik prokýratýrasy «Qaztemirtrans» AQ-nyń qyzmetine tekserý júrgizip jatyr.
«Osy tekserý qarjylyq jáne ózge de aktıvtermen bılik etý kezinde tıimdi jáne nysanaly paıdalaný qaǵıdattarynyń saqtalýyn, onyń ishinde Qoǵammen vagondardy berýdiń negizdiligin jáne basqa da suraqtardy qamtyp otyr», - dedi Berik Asylov.