Ázirbaıjanda dástúrli oqý bastalǵaly beri jalpy bilim beretin 4432 oqý ornynyń 19-y qashyqtan oqýǵa kóshti, dep habarlaıdy almaty-akshamy.kz Ázirbaıjan Bilim jáne ǵylym mınıstrligine silteme jasap.
Vedomstvonyń málimetinshe, qazirgi ýaqytta 433 synyp onlaın oqyp jatyr, al buǵan deıin qashyqtan bilim berýge ótken 72 synyp dástúrli oqýyn qaıta jalǵastyrdy.
«Qazirgi ýaqytqa deıin 1 595 108 oqýshynyń 3 477-i jáne 229 871 muǵalim men mekteptiń tehnıkalyq qyzmetkeriniń 2 494-i (1%) COVID-19 juqtyryp aldy», - delingen habarlamada.
Ázirbaıjannyń Bilim mınıstrligi osy jaǵdaıǵa baılanysty ata-analardy 12 jastan asqan balalaryna ekpe saldyrtýǵa shaqyrdy.
Mınıstrlik jasóspirimderdi vaksınalaý Baký saýyqtyrý ortalyǵynda ata-analardyń ruqsatymen ǵana júrgizilip jatqanyn eske saldy.
Eske salaıyq, Ázirbaıjanda 22 qyrkúıekten bastap 1-4 synyptarǵa, 29 qyrkúıekten bastap 5-11 synyptarǵa dástúrli oqý bastaldy. Bilim mekemelerinde jumys isteıtinderdiń 80%-dan astamy COVID-19-ǵa qarsy tolyq vaksına alǵan.