135,6 mlrd teńgeden asa qarjy tartyldy.
Jańa jyldan beri, ıaǵnı sońǵy eki aıdyń ózinde megapolıs múddesi úshin 135 mlrd teńgeden astam qarajat quıylǵan. Dálirek aıtsaq, salymdar 8,5 paıyzǵa artyp otyr. Al byltyr bul kórsetkish tolyq bir jylda 15 paıyzdy quraǵan, dep habarlaıdy Almaty-akshamy.kz Almaty.tv silteme jasap.
Byltyr qala kapıtalyna 1 trıllıon 185 mlrd teńgeden astam ınvestısıa tartylypty. Bul 15 paıyzdan asady. Salymdar kóbine jyljymaıtyn múlik, kólik jáne óndiriske jumsalǵan.
«Sońǵy eki aıdyń ózinde jalpy ınvestısıa kóleminiń artyp kele jatqanyn baıqaımyz. Negizgi kapıtalǵa 135,6 mlrd teńgeden asa qarjy tartyldy. Qarjylandyrýdyń negizgi kózi, ıaǵnı 70 paıyzy kásipkerlerdiń esebinen túsedi. Qalǵany zaemdar men memlekettik búdjetten salynǵan ınvestısıalar», - dedi kásipkerlik jáne ınvestısıalar basqarmasy basshysynyń orynbasary Qalıbek Aqylbekov.
Investısıa esebinen júzege asyp jatqan jobalar kóbine Alataý jáne Áýezov aýdandaryna tıesili. Jalpy, bıyl el qazynasynan qalaǵa jeke úı qurylysyna 60 mlrd teńge qarjy quıylmaq.