Alaıaqtar anyqtaldy jáne ustaldy.
Almatydaǵy arnaıy is-shara barysynda ınternet-alaıaqtar toby ustaldy, dep habarlaıdy Almaty-akshamy.kz Polisia.kz-ke silteme jasap.
Top quramynda quramynda 27 jáne 25 jastaǵy eki áıel bar. Qylmystyń basqa da sybaılastary – 28 jáne 33 jastaǵy er adamdar.
«Aıta keteıik, osy kúnderi Almatyda aqparattyq tehnologıalardy qoldaný arqyly jasalǵan quqyq buzýshylyqpen kúresý sharalarynyń tıimdiligin arttyrýǵa baǵyttalǵan alaıaqtyqqa qarsy respýblıkalyq “Anti Fraud” is-sharasy ótip jatyr. Osy is-shara aıasynda tórt adamnan turatyn top áshkerelendi. Bostandyq aýdandyq PB-na qarasty polısıa bólimine kómek surap júgingen almatylyq turǵynnyń aryzyna sáıkes, kúdiktiler aldaý jáne senimge qıanat jasaý arqyly 1,1 mln teńge kóleminde qarajatty ıemdenip ketken. Tolyǵyraq aıtatyn bolsaq, er adamnyń uıaly telefonyna profılinde ápkesiniń sýreti bar abonentten habarlama kelgen. Habarlamany jiberýshi onyń banktik shotyna aqsha jiberýdi ótingen. Er adam ápkesiniń derekterin paıdalanǵan alaıaqtarǵa emes, ápkesine kómekteskenine senimdi bolǵan», — dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Alaıaqtar anyqtaldy jáne ustaldy. Olar – Túrkistan oblysynan kelgender. Ustalǵandardyń úsheýi buryn da alaıaqtyq jasaǵany úshin qylmystyq jaýapkershilikke tartylǵandyǵy belgili boldy.
«Aıta keteıik, qylmysty ashýǵa ekinshi deńgeıli bankterdiń biriniń qaýipsizdik qyzmetkerleri kómek kórsetken. Qazirgi ýaqytta atalǵan qylmystyq is boıynsha osy qylmystyq istiń jan-jaqty, tolyq jáne obektıvti tergelýin qamtamasyz etý úshin qajetti tergeý sharalary júrgizilip jatyr. Sotqa deıingi tergeýdiń osy kezeńinde bul top jasaǵan úsh birdeı alaıaqtyq deregi anyqtaldy», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.