Aǵashtardy zańsyz keskender jaýapqa tartylady
Medeý aýdanyndaǵy Kereı-Jánibek handar kóshesinde zańsyz kesilgen qatysty polısıa qylmystyq is qozǵady, dep habarlaıdy Almaty-akshamy.kz.
Esterińizge sala keteıik, almatylyqtar Kereı-Jánibek handar kóshesi boıyndaǵy 300 túp aǵashtyń zańsyz kesilgenin aıtyp shaǵymdanǵan bolatyn.
«Almaty qalalyq polısıa departamenti bul fakt QR Qylmystyq kodekstiń 340-baby 1-bóligi (aǵashtar men butalardy zańsyz kesý, joıý nemese zaqymdaý) boıynsha sotqa deıingi tergeýdiń biryńǵaı tizilimine tirkelgenin habarlaıdy. Tıisti saraptama taǵaıyndaldy, onyń qorytyndysy boıynsha prosesýaldyq sheshim qabyldanady. Tergeýdi Medeý aýdandyq polısıa basqarmasy júrgizip jatyr», - dep habarlady qalalyq polısıa departamentiniń baspasóz qyzmeti.
Kesilgen aǵashtardyń tuqymy men túrleri áli anyqtalǵan joq. Botanıkalyq baqtyń zertteý nátıjeleri 3-5 kúnnen keıin belgili bolady.
Aldyn ala boljam boıynsha, ol jerde Qazaqstannyń "Qyzyl kitabyna" engizilgen sıvers alma aǵashtary kesilgen.