Almatyda ústel tenısinen «TOP-12» respýblıkalyq týrnıri ótip jatyr, dep habarlaıdy Almaty-akshamy.kz Olympic.kz-ke silteme jasap.
Atalǵan týrnır ulttyq quramaǵa irikteý jarystarynyń qatarynda. Áıelder arasynda ázirge Anastasıa Lavrova, Sarvınoz Mırkadırova, Záýresh Aqashevalar jeńilissiz keledi.
Araı Áshkeeva, Anel Bahyt jáne Aleksandra Smırnovalar bir retten jeńildi. Erler arasyndaǵy birinshi jarys kúninde Erık Raıter ǵana upaı joǵaltqan joq.
Sondaı-aq Aıdos Kenjeǵulov, Denıs Joldýevter óz toptarynda kósh bastap tur.