Mundaı kórsetkishke jetý qoǵamdyq kólikterge kamera ornatýdyń arqasynda múmkin bolǵan.
Bul týraly halyq aldynda esep bergen Almaty polısıasynyń basshysy Arystanǵanı Zapparov málimdedi, dep habarlaıdy Almaty-akshamy.kz Polisia.kz-ke silteme jasap.
«Tirkelgen qylmystardyń jartysyna jýyǵy bótenniń múlkin urlaý qylmysyna jatady. Urlyqtyń keıbir negizgi túrlerin ashýdy jaqsartýǵa qol jetkizdik, atap aıtqanda: páter urlyǵy 3,4%-ǵa, qalta urlyǵy 4,2%-ǵa, avtokólik salonynan urlyq jasaý 19,2%-ǵa, búıir aına urlyǵy 3,4%-ǵa azaıdy. Bul urlyqqa qarsy kúres boıynsha qurylǵan arnaıy toptardyń nátıjesinde múmkin boldy. Aıta ketý kerek, buǵan qoǵamdyq oryndarda jáne qoǵamdyq kólikterde beınekameralar ornatý da áser etti», – dedi A.Zapparov.
PD-nyń málimetinshe, polısıanyń jedel bólimsheleri 638 urlyq deregin jasaǵany úshin kináli dep tanylǵan 391 urynyń, qoǵamdyq oryndarda urlyq jasaǵan 153 toptyń 136 epızod jasaǵany dáleldengen, páter urlyǵyn jasaýmen aınalysqan 33 qylmystyq toptyń qulypty buzý jáne áınekti syndyrý arqyly avtokólikterden urlyq jasaǵan 20 toptyń qylmystyq áreketin toqtatty.