Almaty qalasynyń Jer qatynastary basqarmasy «Almaty qalasy ákimdiginiń sharýashylyq júrgizý quqyǵyndaǵy «Qala jer ortalyǵy» komýnaldyq memlekettik kásiporny dırektory» bos laýazymyn ıelenýge konkýrs jarıalaıdy, - dep habarlaıdy Aqshamnews.kz.
Sharýashylyq júrgizý quqyǵyndaǵy «Qala jer ortalyǵy» komýnaldyq memlekettik kásiporny Almaty qalasy Jer qatynastary basqarmasy, mekenjaıy: Almaty qalasy, Tóle bı kóshesi, 155, telefon: 8 (727) 378 45 28.
Kásiporynnyń negizgi qyzmeti: Memlekettik muqtajdyqtar úshin jer ýchaskelerin májbúrlep alyp qoıý salasynda qyzmetti júzege asyrý, sondaı-aq osy ýchaskelerdi ǵımarattardan (turǵyn úılerden, qurylystardan jáne t.b.) bosatý.
Konkýrsqa qatysýshylarǵa qoıylatyn talaptar: Joǵary bilim. Kásiporynnyń qyzmet salasyna sáıkes ekonomıkalyq qyzmet túrleriniń jalpy klasıfıkatorlaryna saı basshylyq laýazymdarda keminde 5 (bes) jyl eńbek ótili bolýy qajet.
Konkýrsqa qatysýshylarǵa qoıylatyn jalpy talaptar: Qazaqstan Respýblıkasynyń Konstıtýsıasyn, Qazaqstan Respýblıkasynyń Eńbek kodeksin, «Ákimshilik quqyq buzýshylyq týraly» kodeksin, «Sybaılas jemqorlyqqa qarsy is-qımyl týraly», «Memlekettik múlik týraly» Qazaqstan Respýblıkasynyń zańdaryn jáne kásiporynnyń qyzmet salasyndaǵy qatynastardy retteıtin ózge de normatıvtik quqyqtyq aktilerdi bilý.
Qazirgi zamanǵy sharýashylyq júrgizý men uıymdy basqarý ádisterin, strategıalyq josparlaýdy, ekonomıkalyq kórsetkishter júıesin, sharýashylyq jáne qarjylyq sharttardy jasaý men oryndaý tártibin, kásiporynnyń ekonomıkasy men qarjysyn basqarý, óndiris pen eńbekti uıymdastyrý, salalyq kelisimder men ujymdyq sharttardy ázirleý jáne jasasý tártibin, áleýmettik-eńbek qatynastaryn retteý qaǵıdalaryn, eńbekti jáne órt qaýipsizdigi talaptaryn bilý qajet.
Konkýrs Qazaqstan Respýblıkasy Ulttyq ekonomıka mınıstriniń 2015 jylǵy 2 aqpandaǵy №70 buıryǵymen bekitilgen memlekettik kásiporyn basshysyn taǵaıyndaý jáne attestasıadan ótkizý, sondaı-aq onyń kandıdatýrasyn kelisý qaǵıdalary negizinde ótkiziledi.
Konkýrsqa qatysý úshin qajetti qujattar tizbesi:
1. konkýrsqa qatysý týraly ótinish;
2. memlekettik jáne orys tilderinde jazylǵan túıindeme (rezúme);
3. belgilengen tártippen kýálandyrylǵan bilimi týraly qujattardyń kóshirmeleri;
4. eńbek kitapshasynyń (bolǵan jaǵdaıda) nemese jeke eńbek shartynyń kóshirmesi ne sońǵy jumys ornynan qabyldaý jáne eńbek shartyn toqtatý týraly buıryqtardan úzindiler, belgilengen tártippen kýálandyrylǵan;
5. № 075/ý nysany boıynsha densaýlyq jaǵdaıy týraly anyqtama.
Konkýrsqa qatysýshy óz bilimi, eńbek ótili, kásibı daıarlyq deńgeıi týraly qosymsha aqparat bere alady (biliktilikti arttyrý, ǵylymı dárejeler men ataqtar týraly qujattar kóshirmeleri, ǵylymı jarıalanymdar, aldyńǵy jumys ornynan berilgen usynym hattar jáne t.b.).
Konkýrsqa qatysý úshin qajetti qujattar buqaralyq aqparat quraldarynda jáne Almaty qalasy Jer qatynastary basqarmasynyń resmı saıtynda www.gov.kz/memleket/entities/almaty-zher?lang=ru konkýrs týraly habarlandyrý jarıalanǵan kúnnen bastap 15 (on bes) kúntizbelik kún ishinde kelesi mekenjaıǵa usynylýy tıis: Almaty qalasy, Abaı dańǵyly, 90, 8-qabat, Ákimshilik-qarjy bólimi (802 bólme).
Konkýrsqa jiberilgen tulǵalardyń tizimi bekitilgennen keıin, úmitkerler Almaty qalasynyń Jer qatynastary basqarmasynda 10 kúntizbelik kún ishinde áńgimelesýden ótedi.
Anyqtama telefondary: 8 (727) 229 21 51, +7 771 822 66 42