Qaladaǵy 207 jalpy bilim beretin mekteptiń aýmaǵynda qoǵamdyq tártip pen jol qaýipsizdigin qamtamasyz etýge 700-ge jýyq patrúldik polısıa, ıývenaldy polısıa jáne ýchaskelik ınspektorlar jumyldyrylǵan, dep habarlaıdy Almaty-akshamy.kz Polisia.kz-ke silteme jasap.
«Ótken jyldardyń tájirıbesin eskere otyryp, shtab aldyn ala taldaý júrgizip, jańa oqý jylynyń bastalýyna oraı is-sharalarǵa tartylatyn kúshter men quraldardyń sáıkestigin bekitti. Tańǵy saǵat 7-den bastap “qarbalas saǵat” aıasynda patrúldik polısıa ınspektorlary men mamandandyrylǵan batalón qalanyń negizgi joldarynda qozǵalysty qolmen basqarýǵa aýystyrdy. 33 jol aıryǵyn qamtydy. Keshki saǵat 18:00-den 20 saǵat 40 mınýtqa deıin kólik keptelisin boldyrmaý úshin jeke quram qolmen basqarýǵa qoıylady», – dedi Almaty qalalyq PD Jergilikti polısıa qyzmeti basqarmasynyń bastyǵy Erjan Uzabaev.