Batyrsyz 7 jyl
Almatyda Batyrhan Shúkenovtiń 60 jyldyǵyna arnalǵan BATYR.GÜL ALMATY arnaý konserti ótti, dep habarlaıdy Almaty-akshamy.kz Almaty.tv-ge silteme jasap.
Qazir alańda atmosferany sózben jetkizý múmkin emes. Halyq kóp. Batyr shyǵarmashylyǵynyń adal jankúıerleri konsertti tamashalap, kózderine jas alyp án shyrqap jatyr. Búginde mıllıondaǵan tyńdarmannyń súıikti ánderin sımfonıalyq orkestr, solıser, Batyrdyń zamandastary men jas mýzykanttar alǵash ret oryndaıdy.
«Konsertti uıymdastyrýshylar aýa-raıynyń qolaısyzdyǵyna baılanysty sahnany Respýblıka saraıynyń kórermen zalyna aýystyrdy. İshke kire almaǵandar úshin Abaı alańynda úlken ekranda translásıa uıymdastyryldy», - deıdi ánshi Álibek Álmadıev.
Uıymdastyrýshylardyń aıtýynsha, BATYR.GUL ALMATY arnaý konserti – bul Batyrhan Shúkenov atyndaǵy Qoǵamdyq qorynyń qyzmetiniń jalǵasy, ol ánshi týraly estelikti saqtaýǵa jáne Qazaqstannyń jandy ári kúshti mádenı ortasyn qalyptastyrýǵa baǵyttalǵan.