Almatylyq dárigerler aıaldamadaǵy apattan zardap shekken 7 adamnyń jaǵdaıyn baǵalady.
Bes zardap shegýshi túrli dene jaraqatymen Almaty qalalyq jedel shuǵyl kómek kórsetý aýrýhanasyna jetkizildi, dep habarlaıdy Almaty-akshamy.kz.
«Tekserýden keıin úsheýi ambýlatorlyq emdeýge jiberildi. Bir naýqastan yǵysýsyz sol jaq san súıeginiń synyǵy, sol jaq tobyǵynyń yǵysýsyz jabyq synyǵy anyqtalsa, ekinshi naýqasqa mıdyń shaıqalýy, sol jaq jilinshiktiń aıdarshyǵynyń yǵysqan jabyq usaqtalǵan ilindi synyǵy dıagnozy qoıyldy. Eki naýqas ta travmatologıa bólimshesine jatqyzyldy», - dep habarlady densaýlyq saqtaý basqarmasynan.
Vedomstvodan málim etkendeı, eki jasóspirim Almaty qalasy balalar shuǵyl kómek kórsetý ortalyǵyna jetkizildi. Tekserý nátıjesi boıynsha eki bala da neırohırýrgıalyq bólimshege jatqyzyldy.
«15 jastaǵy balada jabyq bas-súıek mı jaraqaty, mıdyń shaıqalýy, jumsaq tinderdiń zaqymdalýy dıagnozy qoıyldy. 16 jastaǵy ekinshi balada aralas jaraqat, jabyq bas-súıek mıynyń jaraqaty, mıdyń shaıqalýy, oń jaq jilinshiktiń ortańǵy úshten biriniń jabyq synýy anyqtaldy», - dep atap ótti basqarmanyń baspasóz qyzmetinen.