Almaty polıseıleri turǵyn úılerdiń birinde esirtki qoıyp ketýshilerdi ustady.
Tártip saqshylary olardan 40 býma marıhýanany tárkiledi, dep habarlaıdy Almaty-akshamy.kz Polisia.kz-ke silteme jasap.
«Patrúldik ekıpaj "Kemel" shaǵynaýdanynda kúdik týǵyzǵan eki jas jigitti baıqap qalǵan. Jeke tintý kezinde olardyń birinen ósimdik tektes, jasyl tústi, erekshe ıisi bar zat tabyldy. Ustalǵandar – 2002 jyly týǵan K.esimdi azamat jáne 1999 jylǵy J.esimdi azamat. Olar taýardy satý úshin alyp, turǵyn úı aýmaǵynda betbelgiler jasaǵanyn aıtty. Internet arqyly olar «jumys berýshige» jasalǵan jumysy týraly baıandap, sýreti men geolokasıasy bar mekenjaıdy jiberip otyrǵan», – deıdi Jetisý aýdandyq polısıa basqarmasynyń bastyǵy Jánibek Shynasylov.
Atalǵan derek boıynsha QR QK-niń 297-babyna sáıkes qylmystyq is tirkeldi. Jedel qyzmetkerler esirtkiniń satylý tizbegin jáne jetkizý arnasyn qadaǵalaýy kerek. Tergeý barysynda ustalǵandar ýaqytsha ustaý ızolátoryna qamaldy.