Almaty oblysynda jezdesi óz baldyzyn aıaýsyz pyshaqtap tastaǵan
Qandy oqıǵa Almaty oblysynyń Qarasaı aýdanyna qarysty Shamalǵan aýylynda bolǵan. Birneshe jerinen jaraqat alǵan qyzdy dárigerler der kezinde aman alyp qalǵan, dep habarlaıdy Almaty-akshamy.kz
Qandy oqıǵa Qarasaı aýdanyna qarasty Shamalǵan aýylynda bolǵan, dep jazady Dına Tańsári esimdi quqyqqorǵaýshy óziniń Instagram paraqshasynda.
«19 jastaǵy Aqnur ápkesin aıaýsyz sabaǵan mas jezdesine qarsy turady. Ashýly erkek ony birneshe jerinen pyshaqtap, aýyr dene jaraqatyn salǵan. Dárigerler onyń ómirin saqtap qaldy», – deıdi quqyqqorǵaýshy.
Jeli qoldanýshysy buzaqy jigittiń bostandyqta júrgenin aıtady. Sol sebepti qazir odan zardap shekken qyzdar týystarynyń úıinde boı tasalap júr. Osy oqıǵaǵa qatysty oblystyq PD túsinikteme berdi.
«Otbasylyq urys kezinde 38 jastaǵy erkek óz áıeliniń sińlisine pyshaq jaraqatyn salǵany anyqtaldy. 19 jastaǵy qyz túrli dene jaraqatymen aýrýhanaǵa jetkizildi. Osy oqıǵaǵa qatysty QK 106-baby 1-bólimine sáıkes qylmystyq is qozǵaldy», – dep málimdeıdi oblystyq PD baspasóz qyzmeti.