Ótken jyldyń sońynda respýblıkalyq komısıanyń sheshimimen 569 qazaqstandyqqa “Bolashaq” baǵdarlamasy boıynsha halyqaralyq stıpendıa taǵaıyndalǵan bolatyn.
Bir qýanyshtysy – stıpendıa ıegerleri arasynda QR İİM M.Esbolatov atyndaǵy Almaty akademıasynyń profesorlyq-oqytýshylyq quramynyń ókilderi de bar.
Kıberqaýipsizdik jáne aqparattyq tehnologıalar kafedrasynyń bastyǵy, fılosofıa ǵylymdarynyń doktory (PhD) A. Bekishev pen jedel izdestirý qyzmeti kafedrasynyń dosenti, fılosofıa ǵylymdarynyń doktory (PhD) E. Nasyrova aqpan aıynan bastap M. Lomonosov atyndaǵy Máskeý memlekettik ýnıversıtetinde ǵylymı taǵylymdamadan ótýde, dep habarlaıdy Almaty-akshamy.kz
Olar ǵylymı taǵylymdama kezinde biliktilikti arttyrý kýrstarynan ótip, ǵylymı sharalarǵa qatysady jáne ǵylymı-zertteý jumystaryn júrgizedi. Akademıa ǵalymdary taǵylymdamadan ótip jatqan zań fakúlteti M.Lomonosov atyndaǵy Máskeý memlekettik ýnıversıtetinde 1755 jyly qurylǵan. Búginde fakúltet zań ǵylymynyń ártúrli salalarynda ǵylymı-zertteý jumystarynyń aýqymdy baǵdarlamasyn júzege asyrady, Reseı zańnamasyn jetildirýge eleýli úles qosatyn fakúltet ǵalymdary memlekettik jáne halyqaralyq organdarǵa quqyqtyq máseleler boıynsha ǵylymı keńes beredi, zań jobalaryn ázirleýge qatysady.
Jýyrda Almaty akademıasy kásibı bilim berý fakúltetiniń bastyǵy, zań ǵylymdarynyń kandıaty D. Eremeev atalǵan fakúltetke kelip, “Bolashaq” baǵdarlamasy boıynsha ǵylymı taǵylymdamadan ótip jatqan áriptesterimen áńgimelesti jáne zań fakúltetiniń tarıhymen, oqý-ádistemelik, ǵylymı-zertteý qyzmetimen tanysty. Sondaı-aq ol sapar barysynda atalǵan fakúltet ókilderimen ózara yntymaqtastyq týraly máseleleri talqylady.