Almaty qalasynda Prezıdenttiń «Taza Qazaqstan» bastamasy aıasynda abattandyrý men tazalyq jumystaryn belsendi túrde jalǵastyryp jatyr. Óńirlik komýnıkasıalar qyzmetind Almaly aýdanynyń ákimi Arman Shamshın osy jumystardyń nátıjesi men aýqymy týraly baıandady, - dep habarlaıdy Aqshamnews.kz tilshisi.
Ákimniń aıtýynsha, aýlalardy, kóshelerdi, saıabaqtar men qoǵamdyq keńistikterdi tazalaý – jaıly qalalyq ortany qalyptastyrýdyń mańyzdy bóligi.
«Bul baǵytta júıeli jumys júrgizip kelemiz. Bizdiń maqsatymyz – ár turǵyn úshin taza, jaıly aýdan qalyptastyrý», - dedi Arman Shamshın.
Aýdannyń kóshe-jol jelisin sanıtarlyq tazalaýmen úsh merdiger uıym aınalysady. Qyzmet kórsetý aýmaǵyna jalpy uzyndyǵy 186,6 shaqyrymdy jáne 3,6 mln sharshy metrdi qamtıtyn 110 kóshe kiredi. Tazalyq jumysyna 340 jumysshy men 162 arnaýly tehnıka tartylǵan. Turǵyndardan kelip túsetin ótinishterge jedel áreket etý úshin táýlik boıy kezekshilik atqaratyn úsh jedel top jumys isteıdi.
Budan bólek, aýdanda 861 aýla aýmaǵy bar (olar 3,0 mln m² aýmaqty qamtıtyn 425 bólimshege biriktirilgen). Munda bes merdiger uıymnyń 345 jumysshysy men 45 arnaıy tehnıkasy eńbek etip jatyr.
Aýdannyń qaramaǵynda 22 alańqaı, 1 park, 5 býlvar men 20 jasyl aımaq bar. Bularda kún saıyn 113 jumysshy men 25 tehnıka qyzmet kórsetedi.
Merdiger uıymdar:
• «Get Target» JSHS (Nazarbaev – Abaı – Baızaqov – Raıymbek kósheleriniń aýmaǵy): 16 alańqaı, 4 býlvar, 13 jasyl aımaq, 63 jumysshy jáne 15 tehnıka.
• «Samǵaý Grýpp» JSHS (Baızaqov – Abaı – Saıran – Raıymbek aýmaǵy): 1 park, 6 skver, 1 býlvar, 7 jasyl aımaq, 50 jumysshy jáne 10 tehnıka.
Jyl basynan beri aýdanda «Taza Qazaqstan» bastamasy aıasynda 62 ekologıalyq aksıa ótip, 5 350 tekshe metrden astam qoqys shyǵaryldy.
Aksıalarǵa aýdan turǵyndary, máslıhat depýtattary, shaǵyn jáne orta bıznes ókilderi, eriktiler, jastar uıymdary, komýnaldyq qyzmetter, sondaı-aq mektepter men emhanalar ujymdary qatysty.
«Apta saıyn senbilik ótkizý jaqsy dástúrge aınaldy. Almaly turǵyndary ekologıalyq aksıalarǵa belsendi qatysyp, qalanyń tazalyǵyna bári jaýapty ekenin kórsetip keledi», - dep atap ótti aýdan ákimi.
Almaly aýdanyndaǵy sanıtarlyq tazalaý jáne abattandyrý jumystary turaqty negizde júrgizilip, jyl boıy jalǵasady.