Eki memlekettik kolej salý josparlanýda.
Qazir Alataý aýdany mektepterindegi oryn tapshylyǵy boıynsha Almaty qalasynda birinshi orynda, 8 000-ǵa jýyq oryn kerek. Bul týraly qala ákimi Erbolat Dosaev Alataý aýdanynyń halqymen kezdesý barysynda aıtty, dep habarlaıdy Almaty-akshamy.kz.
1 qyrkúıekte "Saıaly", "Tomırıs" jáne "Rahat-Mádenıet" shaǵynaýdandarynda 4800 oryndyq 3 jańa mektep ashyldy.
"Nurkent" pen "Darhan" shaǵynaýdandarynda 3000 oryndyq 2 mektep osy oqý jylynyń II toqsanynyń basynda ashylady.
Qosymsha "Saıaly-2", "Zerdeli" jáne "Samǵaý" shaǵynaýdandarynda 2600 oryndyq 3 jańa mektep salynyp jatyr.
Alataý aýdanynda 2 memlekettik kolej salý josparlanýda.
380 oryndyq jataqhanasy bar 720 oryndyq kásiptik-tehnıkalyq kolej salý úshin merdiger uıymdy anyqtaýǵa baıqaý ótkiziledi.
2023 jyldyń I toqsanynda ındýstrıalyq aımaqta ınovasıalyq tehnologıalar kolejiniń qurylysy bastalady.