Jasandy ıntellekt jaıynda túrli pikirler bar. Biri óte qaýipti dese, biri tıimdi paıdalansaq paıdaly tustary joq emes deıdi. Degenmen ýaqyt kerýeni alǵa jyljyǵan saıyn muny ıgerýimizge týra keledi. Sebebi jasandy ıntellekt damýymen barshamyzdy tańqaldyryp keledi. Osy oraıda IT mamany, jýrnalıs Meıirjan Áýelhanulyna jasandy ıntellekttiń múmkindigi qandaı degen saýal qoıdyq. Ol Abaıdyń qara sózin ári qaraı jalǵastyra alady degen pikir bildirdi.
«Abaıdyń 45 qara sózi bar. 46, 47-shi qara sózin jasandy ıntellekt jaza alady degen pikirdi aıtqan bolatynmyn. Jeltoqsannyń basynda úlken medıaforýmda aıttyq. Sebebi jasandy ıntellekt ol mashınaly oqytý tehnologıasyna negizdelgen. Mashınalyq oqytýdy bilesizder. Osy ýaqytqa deıingi jasandy ıntellekttiń jazǵan maqalasy, senarıi, kitaby barlyǵy bizge deıingi jazylǵan myńdaǵan, júz myńdaǵan shyǵarmalardyń negizinde jazyldy. Týra sol sıaqty mashınalyq oqytýǵa biz Abaıdyń 45 qara sóziniń konsepsıasyn túgel engizsek, onda týra Abaıdyń jazý mánerinde 46, 47-shi qara sózin jazyp shyǵady», dedi Meıirjan Áýelhanuly.