Ақтөбе, Атырау, Павлодар және өзге де өңірлерде жасөспірімдер арасындағы қылмыстың артуы алаңдатып отыр. Бұл — қоғамға ортақ қауіп. Осыған байланысты профилактикалық шараларды күшейтуді, сондай-ақ антибуллинг бағдарламаларының тиімділігін жан-жақты зерделеуді тапсырдым.
Қоғамдық орындардағы қауіпсіздік – әр азаматтың құқығы. Сондықтан қауіпті учаскелерді бейнебақылау камераларымен және жарықпен жабдықтау, патрульдеуді күшейту – күн тәртібіндегі мәселе.
Адамдар сөз жүзінде емес, іс жүзінде қорғалғанын сезінуі тиіс.
Өкінішке қарай, жол-көлік оқиғалары бойынша жағдай ушығып барады. Бір жылдың ішінде:
▪️ Апаттар саны +67%
▪️ Жарақат алғандар +79%
Атырау, Қостанай, Ақтөбе және Жетісу облыстарында ахуал күрделі. Апаттардың 72%-ы трассаларда орын алады. Осыған байланысты:
-
Жүргізушілердің еңбек тәртібін бақылау
-
Бала тасымалдау ережелерінің сақталуын қадағалау
тапсырылды.
Халықаралық сарапшылардың қатысуымен Талғар мен Рудный қалаларында қауіпсіздік мәселелеріне арналған пилоттық жоба іске қосылады.
Сонымен қатар: ▪️ Өңірлердің криминологиялық паспорттарын әзірлеу
▪️ Мектептерде заң мәдениетін ілгерілету – уәкілетті органдармен бірлесіп жүргізілетін болады.
Қоғамдық тәртіп пен қауіпсіздік – баршамызға ортақ жауапкершілік. Бұл бағыттағы жұмыс жүйелі жалғасады.