Жеңіс күні қарсаңында Алматыда мерекелік шаралар мазмұнының әр алуандығымен есте қалды. Тарихи датаны еске алуға арналған шаралар қатарында «Жады пойызын» қарсы алу салтаты мерекенің мәнін аша түсті.
Алматы-2 теміржол вокзалының перронында өткен мерекелік жиынның шымылдығын Құрманғазы атындағы Қазақ ұлттық халық аспаптар оркестрі ашты. Ал теміржолшылар мен мектеп оқушылары потриоттық әндер шырқап, жеңіс рухына арнғалғна өлеңдер оқыды.
Іс-шараның басты мәні тарихи паровоздың Алматы-2 перрорына қойылуы болды. Бұл паравоз соғыс аяқталған 1945 жылы Берлиннен Алматыға әкелінген. Соғыс дәуірінің жәдігері Алматы теміржолындағы соңғы тарихи паравоз саналады.
–"Бүгін бұл тарихи паравозды соғыс кезінде пайдаланылған вагондарымен бірге шығарып, осында алып келдік. Ондағы мақсатымыз тарихтың бір үзігін қазіргі ұрпаққа көрсету, сол кездегі қолданылған техникаларды, теміржолшылардың еңбегін, олардың жеңістегі рөлін ұғындыру. Алматы темір жолында соғыс кезінен бері сақталған соңғы паравоз, сондықтан оның тарихи құны жоғары", – дейді Алматы теміржолшы ардагерлер кеңесінің төрағасы Дуан Омаров.–"Жеңіс күнінде Алматы-2 теміржол вогзалына тарихи эшелон келіп тұр. Бүгінгі ұлттық-патриоттық іс-шараға көптеген жастардың келіп қатысып жатқаны қуантады. Жастарымыздың өз тарихын білумен қатар аталарымыз бен әкелеріміздің ерлігін ұмытпауы, бүгінгі бейбіт отанымызды сүюі де аса маңызды деп ойлаймын", – дейді вогзал шаруашылықдепартаменті директорының орынбасары Қажымұқан Ибрагимов.
Тарих жүгін сүйреген пойызды көруге келген алматылықтар арасында 6 жастағы Қадыржан да болды. Ол анасымен бірге мерекелік шараны көруге арнайы келген.
Ол тарих эшелон жанында тұрып «Соғыс болмаса екен, бейбітшілік орнаса екен! Әлемнің бар балалары алаңсыз ойнаса екен!» деген әнін шырқады. Концерттік шаралардан кейін ардагерлер мен теміржолшылар, мектеп оқушылары әскери-дала асханасынан тамақтанып, естелік суреттерге түсті.