Қазақстан атом энергетикасын дамытуда айтарлықтай тәжірибе жинақтаған елдердің қатарында.
Ядролық физика институтының бас инженерінің орынбасары Асхат Бекбаев халықаралық тәжірибеге сүйене отырып, АЭС-ті пайдаланудың оң жақтары туралы Вечерка басылымына түсіндірме берді.
"Атом электр станциялары – қазіргі уақытта тұрақты түрде электр энергиясын өндіре алатын жалғыз «жасыл» энергия көзі. Ол ауа райы немесе басқа да сыртқы жағдайларға тәуелсіз жұмыс істейді. Қазақстандықтарда Семей сынақ полигонындағы сынақтардан қалған белгілі бір қорқыныштар бар екенін түсінемін. Бұл жерде түсіндіру керек, СИЯП-та (Семей ядролық сынақ алаңында) пайдаланылған уранның байытылу деңгейі 90%-ға дейін жетті, ал бейбіт атомда бұл көрсеткіш тек 4,5% құрайды", – деп түсіндірді ғалым.
Бекбаевтың айтуынша, қазіргі заманғы АЭС-терде қолданылатын III+ буынға жататын су-су реакторлары қауіпсіздік тұрғысынан жоғары деңгейде. Бұл реакторлардың қорғаныс деңгейі өте жоғары, себебі олардың құрылымы екі контурлы.
"Ядролық физика институтында 6 мегаваттық қуаты бар реактор жұмыс істеп тұр. Абай облысының Курчатов қаласында екі ядролық құрылғы бар. Сонымен қатар, 1999 жылға дейін Ақтауда БН-350 реакторы жұмыс істеген. Ульба металлургия зауыты уран таблеткалары мен жылу бөлетін қондырғылар шығарады. Бұл тәжірибелер Қазақстанның атом станцияларын қауіпсіз әрі тиімді пайдалануға жеткілікті біліктілікке ие екенін көрсетеді", – деді Асхат Бекбаев.
Қазақстанның атом энергетикасын дамытуға арналған алғышарттары мен техникалық әлеуеті жоғары деңгейде екенін атап өткен жөн. АЭС еліміздің энергетикалық қауіпсіздігін қамтамасыз етуде маңызды рөл атқаратын жоба болуы мүмкін.