Алатау ауданының әкімі Данияр Қырықбаев «Таза Қазақстан» жалпыұлттық акциясы аясында жүзеге асып жатқан экологиялық және абаттандыру жұмысының нәтижесі туралы айтты, деп хабарлайды aqshamnews.kz
Әкімнің айтуынша, аудан аумағы 16 секторға бөлінген, онда санитарлық тазарту мен қалалық сенбілік жүйелі түрде өтіп тұрады. Биыл 88 сенбілік ұйымдастырылып, оған ауданның 70 мыңнан астам тұрғыны қатысыпты.
Данияр Қырықбаев экологиялық акцияның ауданның дамуы мен тазалығына тұрғындарды жұмылдыратын маңызды бастамаға айналғанын, халықтың оған белсене қатысып, әркім оған өзінше үлес қосып жатқанын атап өтті.