Pi-Pop велосипеді энергияны сақтау үшін суперконденсаторларды пайдаланады. Литий батареяларынан айырмашылығы - олар іс жүзінде қоршаған ортаға зиянсыз өндірілуі мүмкін. Үшінші буын электр велосипедінің бағасы 2500 еуроға жақындады, деп хабарлайды Almaty-akshamy.kz Еuronews сайтына сілтеме жасап.
Еуропалықтар жұмысқа көбіне электржетегі бар пауэрбайк мініп барады. Пауэрбайкты зарядтау қажет, ал аккумулятор өндірісі литий тәрізді табиғи ресурстарды көптеп қажет етеді. Бұл ретте жердің сирек элементтерін шығаруда экология үшін қауіп көп.
Француз кәсіпкері Адриен Лёльевр революциялық шешім ойлап тапты.
STEE компаниясының директоры әрі өнертапқыш литий батареяларын емес, суперконденсаторларды пайдаланатын Pi-Pop электрлік велосипедін патенттеді.
Суперконденсаторлар - тұрақты қуат емес, импульстік қуат көзі. Олар қысқа уақыт ішінде жоғары қуат қажет болған жағдайда пайдалы.
Суперконденсатор энергияны электростатикалық түрде сақтау арқылы, яғни зарядты баяу қозғалту арқылы жұмыс істейді. Литий батареясында, керісінше, энергия химиялық реакция арқылы сақталады.
Басқаша айтқанда, суперконденсатор қажет кезде энергияны өте тез жинап, қажет болған жағдайда босатады. Адам велосипед басқышын айналдырғанда энергия жиналып, сақталады, ал тежеу немесе көтерілуден кейін қайта іске қосу сияқты күрделі әрекеттерде пайдаланылуы мүмкін дегенді білдіреді.
Орлеандық өнертапқыш Лёльевр 20-келілік Pi-Pop-ты «энергиялық саулықтың символы» деп атады.
Қазіргі кезде Pi-Pop айына 100 велосипед шығаруда. 2024 жылға қарай компания өндірісті айына мың велосипедке дейін ұлғайтуды жоспарлап отыр.
«2025 жылы біз еуропалық нарыққа шығу ниетіміз бар. Қазір қаржыландыруды тарту мүмкіндігін талқылап жатырмыз», - деді Лёльевр.
Еуропада суперконденсатор орнатылған электрлік велосипедтер сегменті үшін жақсы перспективалар ашылды, себебі еуродепутаттар 2024 жылды «велосипед жылы» деп жариялауды ұсынды.