Бұған дейін бұл сынақтан тек 9-11-ші сынып оқушылары ғана өтетін.
Енді олардың қатарына орта буынның бесінші, алтыншы, жетінші, сегізінші сыныптары мен жоғары буынның оныншы сыныбы қосылды, деп хабарлайды Almaty-akshamy.kz 24.kz-ке сілтеме жасап.
Сөйтіп, бастауыштан өзге оқушылар қазақ тілін қаншалықты білетінін іс жүзінде көрсетуге тиіс.
«Оқушылардың тілді меңгеру деңгейін бағалау ғана емес, оқушыларымыздың оқу сауаттылығын дамыту және тілді үйренуге ынталандыру. Емтиханның қорытындысы әсер етеді . Қорытынды бағаларына әсер етеді. Мысалға 5 ке оқып келе жатқан «Алтын белгіге» үміткерлер осы аралық емтиханнан 4 деген баға алып қалса ол алтын белгіге үміткер бола алмайды», - дейді орта білім комитетінің бас сарапшысы Гүлсыйла Мұздыбекова.
Емтихан уақытын мектеп әкімшілігі белгілейді. Ол ауызша және жазбаша өтіп, оқушының қазақ тілінде оқу, жазу, тыңдау мен сөйлеу дағдыларын анықтайды. Емтихан тапсырмаларын сыныптың оқу бағдарламасын негізге ала отырып мұғалімдер дайындайды.
«1 сәуірден бастап осы тоқсан басталғалы бері дайындық сабақтарының кестесін бекітіп, дайындық жұмыстарын бастап кеттік. Жүргізіліп жатыр. Біздің мектепте 1700 баланың 730 баласы осы аралық аттестаттау емтихандарына қатысатын болады. Баланың жас ерекшелігіне қарай отырып, мұғалімдер тапсырманы дайындап, білім басқармасымен қаралып дайындалып, біз бекітуге ұсындық тапсырманы, 4 нұсқадан болады», - дейді №8 мектеп-лицейі директорының оқу ісі жөніндегі орынбасары Ақмарал Әлімқұлова.
Емтиханды қазақ тілінде оқытатын мектеп тек «қазақ тілі бойынша тапсырса, ал қазақ тілінен басқа тілде оқытатын мектептер «қазақ тілі және әдебиеті» бойынша тапсырады. Ал сынақтан сүрінген оқушыға екінші мүмкіндік беріледі.