Алматы қаласы Бостандық ауданының 1000-нан астам оқушысы Республика күнімен қазақстандықтарды креативті түрде құттықтады!
Қазақстан Республикасының Мемлекеттік егемендігі туралы Декларацияның қабылданғанына 35 жыл толуына орай
Бостандық ауданының оқушылары «РЕСПУБЛИКА КҮНІМЕН!» атты жарқын флешмобқа қатысты.
Алаңды қуаныш пен шаттық сезімі, балалардың күлкісі мен отансүйгіш рух кернеді.
Бәрі бір жүректің дүрсіліне айналды — біздің Тәуелсіз Республика жүрегі!
1000-нан астам оқушы мен ұстаз Отанға деген сүйіспеншілігін, бірлігін және Қазақстанның жарқын болашағына деген сенімін білдірді.
Балалар флешмобқа зор қуанышпен, мақтаныш сезімімен және жоғары патриоттық рухпен қатысты.
«Мен Қазақстанды жақсы көремін, өйткені бұл менің туған елім!», — дейді №105 гимназияның 11-сынып оқушысы Шукирбекова Медина.
«Бүгін біз бірге ән айтып, би билеп, өз елін сүйетін нағыз қазақстандық екенімізді көрсеттік», — деп бөлісті №145 мектеп-гимназияның 9-сынып оқушысы Бекболат Дана.
Флешмоб достық пен бірліктің, жас ұрпақтың елге деген мақтаныш сезімінің айғағына айналды.
Бостандық ауданының білім беру бөлімінің басшысы Қасымбек Айгүл Жұмабекқызы атап өткендей, мұндай іс-шаралар жас ұрпақтың бойында патриоттық рух пен ел тарихына деген құрмет сезімін қалыптастырады.
