Алматыда «Таза Қазақстан» республикалық экологиялық акциясы аясында жергілікті сенбілік ұйымдастырылды, деп хабарлайды aqshamnews.kz
Бұл туралы Қалалық коммуналдық инфрақұрылым және тұрғын үй инспекциясы басқармасы хабарлады.
Іс-шараға мемлекеттік органдардың өкілдері, коммуналдық қызметтер, бизнес құрылымдары мен қала тұрғындары қатысты. Сенбілікке жалпы 2300-ден астам адам және 211 арнайы техника жұмылдырылып, шамамен 1680 текше метр қоқыс шығарылды.
Сенбілік қаланың барлық сегіз ауданында өтті. Арық желілері мен қоғамдық кеңістіктер тазаланып, жол бойы сыпырылып, жуылды, іргелес аумақтар мен шағын бизнес нысандары абаттандырылды. Көгалдандыру жұмыстарына ерекше назар аударылып, 2 мыңнан астам үйеңкі, қарағай, жөке және қараған ағаштары отырғызылды.
Сенбілік өткен негізгі аумақтар:
- Алатау ауданы: Аққайнар көшесі – ҮАК бойы – Мәмбетов көшесі аралығы;
- Алмалы ауданы: Желтоқсай – Абай – Сейфуллин – Райымбек көшелерінің аумағы;
- Әуезов ауданы: Қарғалы өзенінің жағалауы (Абай даңғылынан Райымбек даңғылына дейін);
- Медеу ауданы: Қазақстан халықтары ертегілері саябағы, Тәттібеков көшесі, 61;
- Бостандық ауданы: Абай даңғылының Байзақов пен Тұрғыт Озал көшелері арасындағы бөлу жолағы;
- Жетісу ауданы: Маяк шағынауданы, Бөкейханов көшесі, 53а/2;
Түрксіб ауданы: Маяк шағынауданы;
Наурызбай ауданы: «Алма сити» тұрғын үй кешені, Алатау даңғылының бойы.
Қатысушылардың бірлескен еңбегінің арқасында жасыл аймақтар ретке келтіріліп, арықтар мен тротуарлар тазартылды, ағаштың бұтақтары санитарлық мақсатта кесіліп, шөп шабылды.
