Балаларды оңалтудың дамуы жаңа серпін алды
Алматыда Денсаулық сақтау министрлігінің балаларға медициналық көмек көрсетуді жетілдіру жөніндегі көшпелі отырысы өтті, деп хабарлайды Almaty-akshamy.kz.
Жиынға С. Ж. Асфендияров атындағы Қазақ ұлттық медицина университеті» КеАҚ базасында ҚР ДСМ, Ана мен бала денсаулығын сақтау департаментінің өкілдері, ҚР-дағы ДДҰ және ЮНИСЕФ халықаралық ұйымдарының өкілдері, барлық 20 өңірдің денсаулық сақтау басқармаларының мамандары, балалық шақ бойынша бас штаттан тыс балалар мамандары, «Педиатрия және балалар хирургиясы ғылыми орталығы» АҚ және «University Medical Center» КҚ жетекші мамандары, медициналық жоғары оқу орындарының балалар кафедраларының оқытушылары қатысты.
Кеңеске қатысушылардың назарында балалардың денсаулығын сақтау және нығайту, ҚР-да балаларға медициналық көмек көрсетуді ұйымдастыруды жетілдіру мәселелері болды.
Денсаулық сақтау вице-министрі Вячеслав Дудник өз баяндамасында атап өткендей, балалардың денсаулығын сақтау денсаулық сақтаудың, мемлекет пен қоғамның өзекті және маңызды мәселелерінің бірі болып қала береді. Балалардың денсаулығы елдің ересек тұрғындарын қалыптастырудың іргелі негізін құрайды.
Денсаулық сақтауды дамытудың мемлекеттік бағдарламаларының стратегиялық іс-шараларын іске асыру балалардың өмірі мен денсаулығын сақтауда елеулі нәтижелерге қол жеткізуге әкелді. Қазақстанда ұрықтың жатырішілік даму кезеңінен бастап баланың денсаулығын сақтау бойынша бірыңғай стратегия енгізілді.
Оның айтуынша, Қазақстанда медициналық-санитариялық алғашқы көмектің әлеуметтік бағдарланған моделі іске асырылды, профилактикалық медицина белсенді дамуда, мамандандырылған және жоғары мамандандырылған медициналық көмектің жаңа технологиялары енгізілді. Балаларды оңалтудың дамуы жаңа серпін алды.
«Бүгін бізде диалог форматында балаларға медициналық көмекті ұйымдастыру бойынша проблемалық мәселелерді талқылауға және кездесуге мүмкіндік туды. Біз сіздің сұрақтарыңызды тыңдап, қызметті дамыту перспективаларын айтқымыз келеді, жаңа бұйрықтармен таныстырғымыз келеді. Сондай - ақ, бүгін елімізде алғаш рет әзірленген неонаталдық көмек көрсетуді ұйымдастыру стандарты ұсынылатынын атап өткім келеді», - деді вице-министр кеңеске қатысушыларға арнаған сөзінде.
Содан кейін ол Қазақстан Республикасы Денсаулық сақтау министрінің атынан стандарттың негізгі әзірлеушісі профессор Тамара Құрманғалиқызы Чуваковаға алғысын білдірді
Өз кезегінде ДДҰ елдік Денсаулық сақтау бағдарламаларының ұлттық үйлестірушісі Л.Өтемісова балаларға медициналық көмек көрсетуді ұйымдастыру жөніндегі кеңестің маңыздылығын атап өтті.
«ҚР ДСМ еліміздегі балалардың денсаулық жағдайын жақсарту үшін көп жұмыс атқаруда, алайда аурудың даму қаупінің факторларына назар аудармай, балалардың, оның ішінде мектеп оқушыларының денсаулығын жақсарту мәселелерінде табысқа жету мүмкін емес. Соңғы зерттеулер көрсеткендей, оқушылардың денсаулығының нашарлау үрдісі жақсармайды, өйткені дене белсенділігінің төмендеуі, гаджеттерде көп уақыт өткізу, созылмалы аурулардың өсуі және т.б. Әкімдіктер, денсаулық сақтау жүйесі деңгейінде осы мәселеге назар аудару қажет», - деді ДДҰ өкілі.
ЮНИСЕФ-тің ҚР-дағы өкілінің орынбасары Летиция Баззи-Вейл ҚР-да балалар денсаулығын дамытуда айтарлықтай жетістіктерге қол жеткізілді деп есептейді. Ол соңғы есептерде ана мен бала өлімінің төмендеу үрдісі байқалғанын және Қазақстан осы көрсеткішті төмендету бойынша 10 елдің қатарында екенін атап өтті. Бұл ретте ЮНИСЕФ өкілі осал жерлерде, шалғай аудандарда, төтенше жағдайларда баланың дамуына назар аударуға шақырды.