Цифрлық даму – сандық шешімдерді енгізу деңгейінің негізгі көрсеткіші.
8 маусымда Өңірлік коммуникациялар қызметінің брифингінде Алматы қаласы цифрландыру басқармасының басшысы Баян Қоңырбаев пен International Data Corporation (IDC) халықаралық ақпараттық-талдау агенттігінің вице-президенті Андрей Беклемишев төрт жыл ішінде «конъюнктурадан» «қайталануға» дейін өскен «цифрлық даму» деңгейі туралы айтты, деп хабарлайды Akamty-akshamy.kz.
Айта кетерлігі, цифрлық даму – сандық шешімдерді енгізу деңгейінің негізгі көрсеткіші.
«Цифрлық трансформация – бұл жаһандық өзгеріс. Оның басты міндеті – цифрлық дамудың барлық салада жоғары деңгейде болуы. Сондықтан цифрлық трансформация процесі сәтті болады», – деді Баян Қоңырбаев.
Ол Алматының осы бағытта дамуға көмектесетін «Ақылды қала» бағдарламасын іске асырғанын атап өтті.
ӨКҚ алаңындағы брифингте Баян Қоңырбаев International Data Corporation (IDC) Халықаралық ақпараттық-талдау агенттігінің Алматының «Ақылды қала» ретінде жетілгенін бағалағанын айтты.
«IDC әдіснамасы 5 өлшем бойынша 19 критерийді қамтиды: пайымдау, мәдениет, процестер, технологиялар, деректер. Қорытынды баға әр критерий үшін арифметикалық орта ретінде есептеледі және 0-ден 5-ке дейін өзгереді», – деп түсіндірді Андрей Беклемишев.
Бағалау нәтижелері бойынша 2021 жылы Алматы 5 балдан 2.7 балл жинады. 2017 жылмен салыстырғанда, қала «Конъюнктуралық» (opportunistic) деңгейінен «қайталанатын» (Repeatable) деңгейіне ауысып, нәтижені жақсартты.
Андрей Беклемишев бұл көрсеткішке қандай фактор себеп болғанын айтты.
Соңғы 4 жылдағы жетістіктер туралы айта келе, Баян Қоңырбаев әлемдегі бірде бір қала 5.0 деңгейіне жетпегенін айтты. Азия өңірінде Сингапур (5.0 деңгейіне жақындады), Сеул, Дубай, Йокогама жоғары нәтижелер көрсетті. Еуропада - Лондон (4 деңгей), Амстердам, Барселона. ТМД аймағында Мәскеу көш бастап тұр (3 пен 4 деңгей арасында).
Алматы Будапешт, Ташкент және Бакуден озып, ТМД-мен Шығыс Еуропа өңірлерінде жетекші қалалар тобына енді.
