قازاقستاننىڭ باس سانيتار دارىگەرى ايجان ەسماعامبەتوۆا ريەۆاكسينالاۋعا قاتىستى جاڭا قاۋلىعا قول قويدى، دەپ حابارلايدى Almaty-akshamy.kz Elorda.info-عا سىلتەمە جاساپ.
"قازاقستاننىڭ اۋماعىندا 3 جانە ودان دا كوپ اي تۇراتىن شەتەل ازاماتتارىن قوسا العاندا، بارلىق ادامدار كوروناۆيرۋسقا قارسى ريەۆاكسينالاۋعا جاتادى"، - دەلىنگەن قاۋلىدا.
كوروناۆيرۋسقا قارسى ريەۆاكسينالاۋ الدىڭعى پروفيلاكتيكالىق ەكپەدەن كەيىن 6 اي ارالىقپەن كوروناۆيرۋسقا قارسى ۆاكسينالاۋدىڭ تولىق كۋرسىن جانە بۇرىن ءبىرىنشى ريەۆاكسينالاۋدى العان ادامدارعا جۇرگىزىلەدى.
ريەۆاكسينالاۋ الگوريتمىنىڭ 130-تارماعى تومەندەگىدەي رەداكسيالاندى:
كوروناۆيرۋستى جۇقتىرۋ ءقاۋپى جوعارى (باسىمدىلىعى بويىنشا) مىنا ادامدار كوروناۆيرۋسقا قارسى قايتا ريەۆاكسينالاۋعا جاتادى:
- مەديسينا قىزمەتكەرلەرى؛
- مەديسينالىق-الەۋمەتتىك مەكەمەلەردىڭ كونتينگەنتى مەن پەرسونالى؛
- كۇش قۇرىلىمدارىنىڭ قىزمەتكەرلەرى؛
- پەداگوگتار؛
- پەنيتەنسيارلىق (قىلمىستىق-اتقارۋ) جۇيە مەكەمەلەرىنىڭ كونتينگەنتى؛
- 50 جاستان اسقان ادامدار.
وسى قاۋلى 2022 جىلعى 25 مامىردان باستاپ قولدانىسقا ەنگىزىلەدى.