الماتىداعى اسكەري بولىمگە باۋىرجان مومىش ۇلىنىڭ ەسىمى بەرىلدى
الماتى قالاسىندا ورنالاسقان 5571 اسكەري بولىمگە كەڭەس وداعىنىڭ باتىرى باۋىرجان مومىش ۇلىنىڭ ەسىمى بەرىلدى. بۇل تۋرالى Almaty-akshamy.kz ۇلتتىق ۇلاننىڭ باسپا ءسوز قىزمەتىنە سىلتەمە جاساپ حابارلايدى.
ۆەدومستۆو مالىمەتىنە ساي، ۇكىمەتتىڭ 2022 جىلعى 22 قاراشاداعى № 937 قاۋلىسىمەن ۇلتتىق ۇلاننىڭ 5571 اسكەري بولىمىنە كەڭەس وداعىنىڭ باتىرى، حالىق قاھارمانى باۋىرجان مومىش ۇلىنىڭ ەسىمى بەرىلگەن.
«قازاق ارمياسىنىڭ تاريحىندا باتىر باۋىرجان مومىش ۇلىنىڭ ءرولى ەرەكشە. ءوزىنىڭ ءور مىنەزىمەن، قولباسشىلىق ونەرىمەن، اسقان پاراساتتىلىعىمەن جانە ۇلتجاندىلىعىمەن اتى اڭىزعا اينالعان تۇلعا. ونىڭ تالانتتى باسشىلىعىمەن ساربازدار مەن وفيسەرلەر قاندى شايقاستاردا جاۋعا ەرجۇرەكتىلىكپەن توتەپ بەردى جانە ەكىنشى دۇنيەجۇزىلىك سوعىس مايدانىندا شايقاسقاندار ۇلكەن جەڭىس اكەلدى. بۇگىندە مىنە، جەدەل قۇرامامىز اڭىز قولباسشىنىڭ ەسىمىن يەمدەنىپ جاتىر. بۇل ءبىز ءۇشىن ۇلكەن ماقتانىش»، - دەدى 5571 اسكەري ءبولىمىنىڭ كومانديرى باقداۋلەت وسپانبەكوۆ.