قالاداعى بىرنەشە اۋدانىنداعى جۇزدەگەن اتاۋسىز كوشەگە اتاۋ بەرۋ ماسەلەسىن ءماسليحات دەپۋتاتتارى قولدادى، - دەپ حابارلايدى اqshamnews.kz.
2025 جىلعى 4 شىلدەدە الماتىدا قالالىق ءماسليحاتتىڭ قوعامدىق دامۋ، مادەنيەت، سپورت، ءدىن جانە جاستار ءىسى جونىندەگى تۇراقتى كوميسسياسىنىڭ وتىرىسى ءوتتى. رەسمي حاتتاماعا سايكەس، كۇن تارتىبىندەگى باستى ماسەلەلەردىڭ ءبىرى - قالاداعى 155 اتاۋسىز كوشەگە اتاۋ بەرۋ بولدى.
وتىرىستى كوميسسيا ءتوراعاسىنىڭ ورىنباسارى سەرىك ەسماتوۆ جۇرگىزدى. جيىنعا ءماسليحات ءتوراعاسى مەيىرجان وتىنشييەۆ، دەپۋتاتتار مەن قالا اكىمدىگىنىڭ وكىلدەرى قاتىستى. بۇل ماسەلە بويىنشا الماتى قالاسى تىلدەردى دامىتۋ جانە ونوماستيكا ءبولىمىنىڭ باسشىسى باقىت قالىمبەت بايانداما جاسادى.