بۇل تۋرالى مەملەكەتتىك كەڭەسشى ەرلان قارين Telegram ارناسىندا جازدى، دەپ حابارلايدى aqshamnews.kz
"بارلىق 17 وبلىستا جالپى سانى 2 969 اكىم سايلاندى. ولاردىڭ 864ء-ى – ءوزىن-وزى ۇسىنعان ۇمىتكەرلەر، ال 283ء-ى – ايەلدەر. جاڭا اكىمدەردىڭ باسىم بولىگى بۇرىن مەملەكەتتىك قىزمەتتە جۇمىس ىستەمەگەنىن ايتا كەتۋ كەرەك. حالىق سەنىمىنە يە بولعان ازاماتتاردىڭ قاتارىندا مۇعالىمدەر، دارىگەرلەر، شارۋالار، كاسىپكەرلەر، جەرگىلىكتى كاسىپورىندار مەن شارۋا قوجالىقتارىنىڭ باسشىلارى بار. بۇگىندە اۋىل اكىمدەرىنىڭ ورتاشا جاسى – 44 جاس. سايلاۋ ناتيجەسىندە اۋىل اكىمدەرىنىڭ كورپۋسى جان-جاقتى جاڭارتىلدى"،- دەدى ەرلان قارين.
مەملەكەتتىك باسقارۋ جۇيەسىن جەتىلدىرۋ ۇدەرىسى جالعاسىپ جاتىر.
بىلتىر بارلىق وڭىردە 45 اۋدان اكىمىن سايلاۋ پيلوتتىق رەجيمدە ءوتتى. ال بيىلدان باستاپ قازىرگى اۋدان مەن وبلىستىق ماڭىزى بار قالا اكىمدەرىنىڭ وكىلەتتىكتەرى اياقتالۋىنا قاراي سايلاۋ تىكەلەي داۋىس بەرۋ ارقىلى وتكىزىلەدى.