Syrtqy ister mınıstrligi men İshki ister mınıstrligi Qazaqstan azamattaryna pasportty resimdeý merzimderin qysqartý boıynsha «pılottyq jobany» júzege asyryp jatyr, dep habarlaıdy almaty-akshamy.kz SİM saıtyna silteme jasap.
Vedomstvo shet elderde memlekettik qyzmet kórsetý prosesin ońtaılandyrý sheńberinde, ásirese, COVID-19 pandemıasyna baılanysty jaǵdaıda qyzmet kórsetýdiń merzimderin qysqartýǵa erekshe kóńil bólip otyr.
«Qazirgi ýaqytta SİM men İİM Germanıa aýmaǵynda turyp jatqan Qazaqstan azamattaryna pasportty resimdeý merzimderin qysqartý boıynsha «pılottyq jobany» júzege asyrýda. Budan buryn memlekettik qyzmet kórsetýdiń merzimi 80 kún bolsa, endigide memlekettik organdardyń birlesken is-qımyly arqasynda qyzmet kórsetýdiń merzimi 30 kúnge deıin qysqardy», delingen habarlamada.
Mınıstrliktiń málimdeýinshe, búginde Qazaqstannyń Germanıadaǵy sheteldik mekemeleri arqyly ótinish bildirgen 33 azamat pasportyn jańadan bekitilgen merzim ishinde aldy.
Aıta ketetini, «pılottyq joba» Reseıdegi QR Elshiliginde jáne AQSH-taǵy QR sheteldik mekemelerinde sátti júzege asyrylyp keledi. Pasport resimdeý merzimin qysqartýdy kózdeıtin elderdiń tizimin keńeıtý jalǵasady.