Zardap shekken adamdar úshin 700-den astam shatyr tigilgen
Qytaıdyń Sychýan provınsıasynda qýaty 6,1 baldyq zilzaladan 4 adam qaza tapty. 40-tan astamy jaralanǵan. Ásirese Iaan qalasy qatty zardap shegip, birneshe úı qırap qaldy. Dúmpýdiń epısentri 17 shaqyrym tereńdikte anyqtaldy, dep habarlaıdy Almaty-akshamy.kz.
Tótenshe jaǵdaılar, órt sóndirý, medısına, baılanys jáne basqa da qyzmetter apattyń zardabyn joıýǵa shuǵyl attanǵan, dep jazady qazaqstan.tv.
«CCTV» telekompanıasynyń habarlaýynsha, olar turǵyndardy qaýipsiz jerge kóshirip, jol jóndeýge, elektr jáne baılanys jelilerin retke keltirýge kómektesip jatyr. Zardap shekken adamdar úshin 700-den astam shatyr tigilgen.
Qytaıda sońǵy ret 2008 jyly alapat jer silkinisi bolǵan edi. Sol kezde Sychýanda magnıtýdasy 7,9 baldyq jer dúmpýi 90 myńǵa jýyq adamnyń ómirin qıǵan.