Londonda ótken Eýrazıa kınosynyń táýelsiz festıvalinde qazaqstandyq avtorlar úzdik dep tanyldy.
Jýrnalıs-jazýshy Natalá Mahnonyń «Bıfýrkasıa núktesi» týyndysy «Eń úzdik senarı», Dilshat Rahmatýllınniń «Besik jyry» anımasıalyq fılmi «Kórermender kózaıymy» atalymdary boıynsha marapattaldy, dep habarlaıdy Almaty-akshamy.kz Qazaqtv.com saıtyna silteme jasap.
"Natalá Mahnony jeńisimen quttyqtaımyz. Birneshe jaqsy senarıler boldy, biraq «Bıfýrkasıa núktesi» shyǵarmasy óziniń shynaıylyǵymen basym tústi. Senarıge jas qyzdyń taǵdyry jáne onyń mahabbat sezimi arqaý bolǵan", - dedi qazylar alqasynyń múshesi Pıter Bland.
Eýrazıalyq shyǵarmashylyq gıldıasy uıymdastyrǵan kınofestıval bıyl tórtinshi ret ótkizilip otyr. Oǵan 11 eldiń ókili qatysyp, barlyǵy jıyrma bes týyndy usynyldy. Aıta keteıik, jyl saıyn baıqaý álemniń túkpir-túkpirinen kelgen júzdegen talantty rejıser, akter, prodúser, senarıst jáne mýltıplıkatordyń basyn qosady.