Bıyl kolejderde tegin kásiptik-tehnıkalyq oqýǵa 95 myń adam qabyldandy. Bul týraly QR Bilim jáne ǵylym birinshi vıse-mınıstri Sholpan Karınova aıtyp berdi, dep habarlaıdy almaty-akshamy.kz QazAqparatqa silteme jasap.
«Kolejderge kelsek, «Tegin kásiptik-tehnıkalyq bilim berý» jobasyn iske asyrý jalǵasýda. Joba aıasynda bıyl kolejderge birinshi kýrsqa 95 myń stýdent qabyldandy. Bıyldan bastap kolejderdiń akademıalyq derbestigi keńeıtildi, ol jumys berýshilerdiń qatysýymen jáne eńbek naryǵynyń talaptary boıynsha bilim berý baǵdarlamalaryn derbes ázirleýge múmkindik beredi. 180 kolejdi «Jas maman» jobasy boıynsha jabdyqtaý aıaqtalyp keledi. Jańa oqý jylynda kolej stýdentteri mektep oqýshylary sıaqty shtattyq oqytý formatyna kóshti. Bul rette teorıalyq, zerthanalyq, praktıkalyq sabaqtar, kásiptik praktıka qalypty rejımde júrgiziledi jáne kolejder pánderdiń 20%-y boıynsha qashyqtan oqytýdy uıymdastyrýǵa múmkindigi bar», - dedi vıse-mınıstr Ortalyq komýnıkasıalar qyzmetinde ótken baspasóz máslıhatynda.
Onyń aıtýynsha, kolejderde stýdentterdiń bir ýaqytta bolýyn shekteý úshin teorıalyq jáne praktıkalyq sabaqtardyń aýystyryp turý uıymdastyrylǵan. Barlyq kolejder men jataqhanalarda Ashyq júıesi ornatylǵan.