Qyzyl jalyn shamamen 100 sharshy metr aýmaqqa jaıyldy
Petropavlda kólik jóndeý stansasynda jarylys bolyp, 9 adam jaraqattandy, dep habarlaıdy Almaty-akshamy.kz.
Apat saldarynan 9 adam jaraqat alǵan. Oqıǵa ornynda 50-ge jýyq adam tilsiz jaýmen kúresti.
16 qarasha kúni saǵat 16.16-da «101» telefonyna Gasheka kóshesi 8 mekenjaıy boıynsha ornalasqan ǵımarattyń órtke oranyp jatqany jaıynda habarlama kelip túsken. Aınalasy jeti mınýttyń ishinde tótenshe jaǵdaı ornyna qutqarýshylar jetip, tilsiz jaýdy aýyzdyqtaýǵa kiristi.
Aldyn ala boljam boıynsha, jóndeýde turǵan avtomobılderdiń birine ornatylǵan gaz balony jarylyp ketken. Munymen qosa taǵy birneshe kólikke zaqym keldi.
«Apat avtomobılde ornatylǵan gaz balondaǵy aqaýmen qurylys konstrýksıalarynyń órtenip, qulaý saldarynan boldy. Qyzyl jalyn shamamen 100 sharshy metr aýmaqqa jaıyldy. Oqıǵa ornynda túrli dárejedegi jaraqat alǵan toǵyz adamǵa medısınalyq kómek kórsetildi. Olardyń jeke tulǵasy anyqtalyp, keıbiri aýrýhanaǵa jatqyzyldy. Al zardap shekkendermen jáne olardyń týystarymen SQO TJD psıhologıalyq kómek tobynyń mamandary jumys istedi.
SQO TJD Órt sóndirý qyzmetiniń kúshimen (jeke quramnyń 43 adamy jáne 10 birlik tehnıka) órt saǵat 16.53-te oqshaýlandy. Qaza tapqandar joq. Materıaldyq zalal men shyǵyn kólemi esepteletin bolady», – delingen oblystyq TJD mamandary taratqan aqparatta.