Mańǵystaý oblysynyń Túpqaraǵan aýdanynda Kaspıı teńizi jaǵalaýynan ekologtar 112 óli ıtbalyqty tapty, - dep habarlaıdy Aqshamnews.kz.
Vedomstvonyń málimetinshe, 3 qarasha kúni Aqtaý turǵyndarynan teńiz jaǵalaýyna óli ıtbalyqtardyń shyǵyp qalǵany týraly habar túskennen keıin zerthanalyq-taldamalyq baqylaý bóliminiń mamandary tekserý júrgizgen.
«Balyq ınspeksıasy basqarmasymen birlesip, Asan eldi mekeninen Baýtıno múıisine deıingi jaǵalaý syzyǵyn baqylaý barysynda kaspıı ıtbalyqtarynyń ólekseleri tabyldy. Onyń ishinde 39-y - Asannan Fort-SHevchenko qalasynyń jaǵajaıyna deıingi aralyqta, al 73-i - jaǵajaıdan Baýtıno múıisine deıingi bólikten tabyldy», - dep habarlady departament.
Sonymen qatar mamandar teńiz sýynan zerthanalyq taldaý úshin synamalar alyp, oqıǵa týraly aqparatty 112 qyzmetine joldaǵan.