Mıhaıl Kozachkov 2022 jyly 18 jeltoqsanda ustalǵan bolatyn.
Jýrnalıs Mıhaıl Kozachkovty qamaýda ustaý merzimi 18 naýryzǵa deıin uzartyldy, dep habarlaıdy Almaty-akshamy.kz.
Almaty qalalyq mamandandyrylǵan aýdanaralyq tergeý sotynyń baspasóz qyzmeti habarlaǵandaı, sotqa deıingi tergeý organynyń ótinishi boıynsha qamaýǵa alý merzimi úsh aıǵa uzartylǵan.
«30 qańtarda sotqa deıingi tergep-tekserý organynyń ótinishi qanaǵattandyrylyp, Kozachkovty qamaýda ustaý merzimin úsh aıǵa, ıaǵnı 2023 jyldyń 18 naýryzyna deıin uzartý týraly sanksıa berildi», - delingen sot habarlamasynda.
Eske salaıyq, Mıhaıl Kozachkov 2022 jyly 18 jeltoqsanda ustalǵan bolatyn. Ol reıderlik bopsalaý áreketterimen aınalysqan Qospaevtyń uıymdasqan qylmystyq tobyna qatysy bar degen kúdikke ilindi.