Prezıdent tıisti Jarlyqqa qol qoıdy.
Jazýshy Ilá Jaqanov pen ǵalym Tóregeldi Sharmanov «Qazaqstannyń Eńbek Eri» atandy. Memleket basshysy búgin tıisti Jarlyqqa qol qoıdy, dep habarlaıdy Almaty-akshamy.kz Aqordanyń resmı saıtyna silteme jasap.
Qazaqstan Respýblıkasynyń memlekettik nagradalarymen nagradtaý týraly QAÝLY ETEMİN:
- Qazaqstan Respýblıkasynyń áleýmettik-gýmanıtarlyq damýyndaǵy asa úzdik jetistikteri úshin: joǵary dárejeli erekshelik belgisi – «Qazaqstannyń Eńbek Eri» ataǵy berilip, aıryqsha erekshelik belgisi – Altyn juldyz tapsyrylsyn: Jaqanov Ilá – jazýshy, Atyraý qalasy.
- Qazaqstan Respýblıkasynyń densaýlyq saqtaý salasyn damytýdaǵy asa úzdik jetistikteri úshin: joǵary dárejeli erekshelik belgisi – «Qazaqstannyń Eńbek Eri» ataǵy berilip, aıryqsha erekshelik belgisi – Altyn juldyz ben «Otan» ordeni tapsyrylsyn: Sharmanov Tóregeldi – Qazaq taǵamtaný akademıasynyń prezıdenti, Almaty qalasy.
Osy Jarlyq qol qoıylǵan kúninen bastap qoldanysqa engiziledi. Qazaqstan Respýblıkasynyń Prezıdenti Q.Toqaev Nur-Sultan, Aqorda, 2022 jylǵy 17 naýryz № 838.