«Beıjiń-2022» uıymdastyrý komıteti qysqy Olımpıada oıyndaryna kelgender arasynan 39 adamnyń koronavırýs juqtyrǵanyn málim etti, dep habarlaıdy Almaty-akshamy.kz QazAqparatqa silteme jasap.
«Beıjiń-2022» uıymdastyrý komıtetiniń qujatyna sáıkes, 4-22 qańtar aralyǵynda Qytaıǵa 2586 delegasıa múshesi, sonyń ishinde 171 sportshy men resmı tulǵa, sondaı-aq 2415 múddeli tarap ókili kelgen.
Testileý nátıjesinde basqa múddeli tarap arasynda 39 adamnyń aýrý juqtyrǵany anyqtaldy. Atletter men resmı tulǵalar arasynda eshkim aýyrmaǵan.
Jeksenbi kúni Beıjińdegi oıyndardyń Olımpıada qalashyǵy alǵashqy sheteldik sport delegasıalaryn qabyldaýdy bastady, sonyń ishinde AQSH, Aýstralıa, Kanada, Fınlándıa jáne basqa elder bar. Olımpıada qalashyqtarynyń resmı ashylýy 27 qańtarda ótedi.
XXIV qysqy Olımpıada oıyndary Beıjińde 2022 jyldyń 4-20 aqpany aralyǵynda, al Paralımpıada oıyndary 4-13 naýryz aralyǵynda ótedi.