Almatyda sý tasqynynan zardap shekken óńirlerge gýmanıtarlyq kómek jınaý jalǵasýda
Almaty qalasy ákiminiń orynbasary Ásem Núsipova Almaly komúnıtı ortalyǵynda sý tasqynynan zardap shekken óńirlerge gýmanıtarlyq kómek jınaý pýnktine bardy, dep habarlaıdy almaty-akshamy.kz
Kezdesý barysynda Ásem Núsipova barsha eriktige qıyn-qystaý kezeńde kómek qolyn sozǵany úshin alǵys bildirdi. Ákimniń orynbasary zardap shekken otbasylar men aımaqtarǵa qoldaý kórsetýdiń mańyzyn atap ótti.
«Prezıdentimiz Qasym-Jomart Kemeluly Toqaev aıtqandaı – «Bizdiń kúshimiz – birlikte». Elimiz osy kúnderi aýyr synaqty bastan ótkerip jatyr. Dál osy sátte birligimiz ben eldigimizdi kórsetetin ýaqyt keldi. Eldegi bolyp jatqan bul tabıǵattyń tosyn minezine qatysty memleket tarapynan, Prezıdentimiz tarapynan barlyq tıisti sharalar qabyldanyp jatyr. Osy rette sý basqan aımaqtarǵa gýmanıtarlyq kómek jınap, úılestirip jatqan árbir janǵa alǵys bildiremin», - dedi Ásem Núsipova.
Eriktiler óz kezeginde gýmanıtarlyq kómekti tıimdi uıymdastyrýǵa baǵyttalǵan bastamasy men ıdeıasymen bólisti. Sonymen qatar, gýmanıtarlyq kómekti jınaý jáne taratý boıynsha qalamyzda taǵy qabyldaý pýnktin ashý boıynsha josparlar talqylandy.
Búginde Almatydan sý tasqynynan zardap shekken Atyraý oblysynyń turǵyndaryna 30 tonnadan astam gýmanıtarlyq kómek jóneltildi. Onyń ishinde 12 tonna azyq-túlik, 10 tonnaǵa jýyq kıim-keshek, 7,2 tonna gıgıenalyq quraldar, 2 tonnadan astam turmystyq zattar, 200 keliden astam dári-dármek jáne t.b bar.
Aıta ketý kerek, gýmanıtarlyq kómek jınalyp jatqan bul jastar komúnıtı ortalyǵy Almatynyń ár aýdanynda ashylǵan 8 komúnıtı ortalyqtyń biri. Almaty qalasyn damytýdyń 2025 jylǵa deıingi baǵdarlamasy aıasynda ár aýdanda ekiden, ıaǵnı barlyǵy 16 ortalyq ashylady.
Árbir komúnıtı ortalyq kreatıvti qoǵamdyq keńistikten turady. Munda jastardy qoldaýǵa qajettiniń bári bar: bul ártúrli memlekettik baǵdarlama boıynsha keńes berý, psıhologıalyq jáne zańgerlik kómek, NEET jastaryn qysqa merzimdi kýrstar arqyly suranysqa ıe mamandyqtarǵa oqytý jáne jumysqa ornalastyrý.
- Gýmanıtarlyq kómek myna mekenjaı boıynsha qabyldanady: Baıtursynova kóshesi, 22k1
- Qabyldaý ýaqyty: 10:00-den 19:00-ge deıin
- Kez kelgen adam Almaly aýdanyndaǵy komúnıtı ortalyqqa habarlasyp, qajetti zattardy tapsyra alady!
- Baılanys nómirleri: +7 747 821 64 78; 7 747 540 01 40