Almatyda stroboskopty paıdalanǵan Gelandewagen júrgizýshisi jaýapqa tartyldy.
Áleýmettik jelilerge júrgizilgen monıtorıń barysynda jol qozǵalysy erejeleriniń birden birneshe talaptaryn buzǵan QR ákimshilik zańnamasyn óreskel buzý deregi anyqtaldy, dep habarlaıdy Almaty-akshamy.kz Polisia.kz-ke silteme jasap.
«23 jastaǵy I.esimdi azamat anyqtaldy jáne ustaldy, ol quqyqbuzýshylyq deregin birden moıyndap, beınerolıkke túsirý qajettigin túsindirdi. Bul ýáj quqyq buzýshynyń áreketin aqtamaıdy. Oǵan qatysty Qazaqstan Respýblıkasynyń ákimshilik zańnamasyna sáıkes shara qoldanyldy: alty ákimshilik hattama toltyryldy. Kólik mamandandyrylǵan aıyppul turaǵyna qoıyldy», – dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.
Kelesi quqyqbuzýshylyqtar boıynsha ákimshilik is qozǵaldy: QR ÁQBtK-niń 230-baby 2-bóligi – Qazaqstan Respýblıkasynyń mindetti saqtandyrý týraly zańnamasyn buzý; QR ÁQBtK-niń 591-baby 1-bóligi – júrgizýshiniń kólik quralyn basqarý kezinde telefon nemese radıostansıany paıdalanýy; QR ÁQBtK-niń 590-baby 5-bóligi – tehnıkalyq reglamentterdiń, ulttyq standarttardyń talaptaryna sáıkes kelmeıtin, sondaı-aq aqaýlar nemese kólik quraldaryn paıdalanýǵa tyıym salynatyn jaǵdaılar bolǵan kezde kólik quraldaryn júrgizý; QR ÁQBtK-niń 590-baby 3 bóligi – kólik quralyna jalǵan nemese qoldan jasalǵan memlekettik tirkeý nómirlik belgilerin ornatý; QR ÁQBtK-niń 590-baby 4-bóligi – jalǵan nemese qoldan jasalǵan memlekettik tirkeý nómirlik belgileri (belgi) bar kólik quralyn basqarý, sondaı-aq, memlekettik tirkeý nómirlik belgilerin (belgisin) sáıkestendirýge kedergi keltiretin nemese olardy belgileýge múmkindik beretin qurylǵylarmen jáne materıaldarmen jabdyqtalǵan memlekettik tirkeý nómirleri bar kólik quralyn júrgizý; QR ÁQBtK-niń 603-baby 3-bóligi – jedel jáne arnaıy qyzmetterdiń kólik quraldarynyń arnaıy tústi sqemalaryn kólik quralynyń syrtqy betterine zańsyz qoldaný.