«Alataý» dástúrli óner teatrynda qazaq oıshyly jáne aqyny Abaı Qunanbaevtyń týǵan kúnine arnalǵan «Abaı álemi» konsert-spektakli ótti.
Kórermender ár nómir saıyn shabyttana qol soǵyp, ártisterge rızashylyǵyn bildirdi, dep habarlaıdy aqshamnews.kz
Abaıdyń jas, dana jáne kúresker kezeńderin elimizdiń tanymal akterleri Ernat Kúnshibaev, Bolat Ábdilmanov jáne Erlan Bilál somdady.
Spektáklde Temirbek Júrgenov atyndaǵy Ulttyq óner akademıasynyń hory men SteppeSons aspaptyq toby Abaıdyń ánderin oryndap, qoıylym mazmunyn tereń ashty.
Sonymen qatar, mektep oqýshylary aqynnyń tórt mezgil týraly óleńderin oqyp, halyq yqylasyna bólendi. Sahnany kitap betine uqsas ekran tolyqtyrdy, onda kórermenderge Abaıdyń qara sózderi kórsetildi.
Baǵdarlamanyń mýzykalyq bóliginde «MýzART» toby men Erden Jaqsybek ádemi áýenge toly ánder oryndady. Spektákl-konsert «IL CANTO» vokaldyq kvartetiniń oryndaýyndaǵy Abaı ánderinen quralǵan popýrrımen aıaqtaldy.
