Оған еліміздегі ауа райының қолайсыздығы мен су тапшылығы тікелей әсер етуі мүмкін, деп хабарлайды aqshamnews.kz
Мамандардың мәліметінше, биыл Тянь-Шань, Памир және Алтай тауларында қар мөлшері әдеттегіден әлдеқайда аз. Журналист Кирилл Павловтың сөзінше, бұл өзендердегі су деңгейінің төмен болатынын, әсіресе елдің оңтүстігі мен оңтүстік-шығысында егіншілік пен суаруға қатты тәуелді аймақтар үшін күрделі жағдай туындайтынын білдіреді.
2025 жылы Қазақстанда агроклиматтық жағдай күрделі болады деп күтілуде:
Оңтүстікте көктемде – су тасқыны, жазда – Сырдарияның тайыздануы және егіншілікке су жетіспеушілігі.
Солтүстікте ылғалды көктемнен кейін шілдеде ыстық пен қуаңшылық күтіледі – бұл жаздық бидайға кері әсер етеді.
Орталық пен батыста – жаңбыр аз, жайылымдардың жағдайы нашарлайды, Қарағанды облысында жазда қуаңшылық болуы мүмкін.
Шығыста көктем кеш түседі, үсік болу қаупі бар, ал жазда – су тапшылығы қайталанады.
Батыс Қазақстанда жауын-шашын мәселесі дәстүрлі түрде қиын, 2025 жылы жақсару болмайды, жайылымдар кепті, малға азық тапшылығы туындайды.
Кирилл Павловтың пікірінше, мұндай климаттық факторлар дүкендердегі бағаға тікелей әсер етеді, Су аз – өнім аз, яғни нарықта ұсыныс азаяды, жем-шөп қымбат – жұмыртқа, ет, сүт те қымбаттайды.
- Импорт тапшылықты толықтыруы мүмкін, бірақ оның бағасы жоғары, әсіресе логистика қиын не валюта бағамы тұрақсыз болса. Суару, тасымалдау мен сақтау шығындарының артуы да бағаны көтереді, дейді Павлов.
Бағасы бірінші болып қымбаттауы мүмкін азық-түлік түрлері: қарбыз, қауын, қызанақ, бұрыш, пияз, картоп, жеміс-жидек, ет пен сүт өнімдері.
Бағалар әсіресе жаз ұзақ әрі ыстық болса, тамыз айынан бастап күрт өсуі мүмкін.