Таеквондодан әлем чемпионатында қазақстандық таэквондошылар екінші күмісті иеленді
Оңтүстік Кореяның Чунчхон қаласында өтіп жатқан жасөспірімдер арасындағы әлем чемпионатында Қазақстан спортшылары кезекті рет күміс жүлдегер атанды, деп хабарлайды aqshamnews.kz.
55 келіде сынға түскен Нұрали Махмут финалға шығып, шешуші сында ирандық Сина Мохтарамиге есе жіберді.
Ал бұл салмақта қола жүлде ресейлік Азат Бесаев пен қытай атлеті Хаожань Танға бұйырды.
Бұған дейін Қазақстан спортшысы Нұрай Қазнабек 59 келіде финалға шығып, есе жіберген еді. Ол Иран өкілі Айназ Насириден айласын асыра алмады.